Leicesteri vetëm do të shesë? Gaboheni shumë, ja plani i tyre

Zëvendëspresidenti i Leicester Cityt, Aiyawatt Srivaddhanaprabha ka bërë të ditur se kampioni i ri i Premier Ligës do të përforcohet edhe me “tre apo katër” lojtarë gjatë kësaj vere.
Djelmoshat e Claudio Ranierit befasuan botën e futbollit duke fituar sivjet Premier Ligën ndërsa në sezonin e ri do të marrin pjesë edhe në Ligën e Kampionëve.

Pjesëmarrja në garën evropiane ka shtyrë ekipin që gjatë verës të mendojë për përforcime.

“Jam shumë i lumtur me skuadrën që kemi, por sezonin e ardhshëm ne kemi më shumë gara”, ka thënë Srivaddhanaprabha.

“Duhet të shtojmë disa lojtarë. Ndoshta tre apo katër. Ne do të transferojmë lojtarë, por nuk varet nga unë. Varet nga skautët dhe menaxheri. Ata kanë sy të mbrehtë për të sjellë lojtarë të mrekullueshëm”.