Xhudistja Laura Fazliu ka kaluar në çerekfinale të Kampionatit Botëror që po mbahet në Doha të Katarit.
Fazliu e ka nisur ditën mirë duke shënuar tri fitore radhazi në kategorinë deri në 63 kilogramë.
Xhudistja jonë i nisi garat me ‘ippon’, duke mposhtur për më pak se një minutë xhudisten nga Republika e Afrikës Qendrore, Nadia Guimendego.
Laura e fitoi edhe përballjen e dytë në Kampionatin Botëror.
Ajo në këtë ndeshje e mposhti me ‘waza-ari’ kroaten Iva Obertan.
Në fund, fitoren e tretë Fazliu e mori ndaj brazilianes Ketleyn Quadros, të cilën e dominoi plotësisht, duke e hedhur bukur një herë më ‘waza-ari’ e pastaj me ippon.
Pas kësaj fitore, Laura hyn në mesin e tetë më të mirave, pasi ka kaluar në çerekfinale të Kampionatit Botëror që po mbahet në Doha.
Në çerekfinale, xhudistja jonë do të takohet me sllovenen Andreja Leski. /Telegrafi/