27/06/2023
Asamblistët e Kuvendit Komunal në Prishtinë e kanë shkarkuar Fehmi Kupinën nga pozita e kryesuesit.
Vendimi u mor në mbledhjen e Kuvendit Komunal të martën, përmes votimit të fshehtë.
Për shkarkimin e Kupinës votuan 27 këshilltarë komunalë, një votoi kundër ndërsa nuk pati asnjë abstenim.
Fehmi Kupina nga radhët e Lidhjes Demokratike të Kosovës, në një mbledhje të jashtëzakonshme të mbajtur tri javë më parë ka dhënë dorëheqje nga kjo parti, duke u deklaruar si kryesues i pavarur. /Telegrafi/