Kombëtarja e Suedisë në kategorinë e femrave ka fituar me rezultat bindës ndaj atyre të Tajlandës (5-1) në kuadër të Kupës së Botës.
Llogarinë e golave për kombëtaren suedeze e hapi Linda Sembrant që realizoi në minutën e gjashtë, ndërsa Kosovare Asllani (19’) e dyfishoi epërsinë.
Fridolina Rolfo (42’) e mbylli pjesën e parë me golin e tretë për Suedinë, duke bërë që ato të shkonin në pushim me një avantazh të lartë.
Pjesa e dytë filloi sërish në të mirë të kombëtares suedeze, pasi Lina Hurting shënoi për 4-0, në minutën e 81-të.
Tajlanda arriti ta ngushtonte epërsinë e Suedisë me anë të Kanjana Sungngoen (90’+1), mirëpo për ta mbyllur fitoren e suedezëve me rezultat bindës, u përkujdes Elin Rubensson që realizoi nga pika e bardhë në minutat shtesë (90'+6).
Kombëtarja e Suedisë është liderë e Grupit F me gjashtë pikë, e ndjekur nga prej SHBA-ve me tri, derisa Kili dhe Tajlanda janë ende pa pikë. /Telegrafi/