Klubet nga Liga Premier kanë dalë së bashku me një propozim se kur duhet të hapet dhe të mbyllet afati kalimtar i kësaj vere.
Në fund të kësaj jave pritet që klubet angleze të mbajnë një takim me Federatës e Futbollit të tyre që të caktojnë se kur duhet të hape afati i transferimeve.
Sipas asaj që raporton Sky Sports, klubet kanë vendosur njëzëri që afati i transferimeve të kësaj vere të hapet më 27 korrik.
Po ashtu, ata kanë dhënë edhe propozimin që afati të mos mbyllet deri më 5 tetor.
Nga këto data, klubet do të kenë më shumë se dy muaj për të kompletuar prurjet e tyre të reja për edicionin 2020/21.
Coronavirusi ka ndryshuar rrjedhën e afateve në të gjitha ligat botërore, andaj klubet nga Liga Premier kanë filluar tashmë të mendojnë për transferimet që mund t'i bëjnë në këtë verë. /Telegrafi/