Trajneri i i Liverpoolit, Jurgen Klopp, ka thënë se nuk është në bisedime me Juventusin dhe se lajmet për këtë janë broçkulla.
Bardhezinjtë po kërkojnë një trajner të ri pasi janë ndarë me Max Allegri pas pesë vitesh.
Klubi është i lidhur me emra si Maurizio Sarri, Jurgen Klopp, Pep Guardiola dhe Mauricio Pochettino.
Ka pasur disa lajme se Klopp mund të largohet nga Liverpooli dhe të shkojë në Juve nëse e fiton finalen e Ligës së Kampionëve kundër Tottenhamit.
"Serie A është një kampionat tërheqës dhe Italia është një vend i bukur, sigurisht, por më kanë pyetur disa herë për këtë dhe thashethemet që më lidhin me Juventusin janë vetëm broçkulla", ka thënë Klopp për Sky Sport Italia.
Liverpool dhe Tottenham do të përballen të shtunën në finalen e madhe të Ligës se Kampionëve. /Telegrafi/