03/10/2021
Jurgen Klopp e ka duartrokitur golin e jashtëzakonshëm të Mohamed Salahut në ndeshjen e të dielës kundër Manchester City.
Kryendeshja e kësaj jave në Ligën Premier ndërmjet Liverpoolit dhe Citizens në Anfield u mbyll me rezultat të barabartë (2-2), ku u shënuan disa gola të bukur.
Por, ajo që bëri egjiptiani ishte më e veçantë. Ai i kaloi disa futbollistë të Cityt para se ta nënshtronte edhe portierin Ederson.
“Nuk është goli i parë që (Salah) e shënon në këtë mënyrë. Mendoj se kundër Napolit dhe Tottenhamit ishin gola të ngjashëm, por është klas i pastër botëror, çfarë lojtari”.
“Ai e ndërtoi për mrekulli edhe golin e parë për Sadio (Mane) dhe ishte po ashtu një gol i bukur”, ka deklaruar Klopp për BBC Radio 5Live. /Telegrafi/