Raportohet se Juventusi ka shfaqur interesim për të nënshkruar me lojtarin e Lyonit, Tanguy Ndombele.
Sipas Calciomercato.com, drejtori gjeneral i Zonjës së Vjetër, Fabio Paratici, është duke e ndjekur lojtarin që një kohë të gjatë.
Francezi shquhet për lojën e tij në mesfushë dhe po cilësohet si N’Golo Kante i ri, ai tashmë ka katër paraqitje për Përfaqësuesen e Francës.
Gjithsesi kampionët italian nuk do ta kenë aspak të lehtë pasi për lojtarin kanë shfaqur interesim edhe Tottenham Hotspur, Manchester City dhe Barcelona.
Problem për Juven paska është edhe çmimi i 21-vjeçarit , i cili është rreth 40 milionë euro.
Por, duke parë interesimin e skuadrave tjera, vlera e lojtarit edhe mund të rritet.
Bardhezinjët njihen për maturinë e tyre në tregun e transferimeve, ata nuk e kanë ndërmend të nxitojnë, aktualisht janë në fazën e vrojtimit. /Telegrafi/