Jolie dhe Pitt duan të adoptojnë një vajzë siriane
Çifti Brad Pitt dhe Angelina Jolie, raportohet se janë duke menduar të adoptojnë edhe një tjetër fëmijë, për të shtuar në shtatë numrin e fëmijëve në familjen e tyre.
Aktorët së bashku kanë fëmijët Maddox, Pax, Zahara, Shiloh dhe binjakët Vivienne e Knox, por burime të ndryshme i kanë thënë revistës “UsWeekly” se ata dëshirojnë të adoptojnë një vajzë siriane, transmeton Koha.net.
“Ata duan të adoptojnë një vajzë të vogël nga Siria”, ka thënë burimi.
Procesi i adoptimit, sipas burimit, është duke shkuar mirë dhe shumë shpejtë pritet të përfundojnë me adoptimin e saj.
“Janë duke punuar në këtë aspekt”, ka shtuar ai.
Edhe pse përfaqësuesit e Pittit e kanë mohuar këtë gjë, burimet kanë shtuar se Angelina është duke insistuar që vajza nga Siria të adoptohet.