Johnson: Populli ukrainas me trimërinë e tyre po inspirojnë miliona njerëz në mbarë botën

Kryeministri britanik Boris Johnson, ka thënë sot se populli ukrainasë po inspiron miliona njerëz në mbarë botën.

Në një përgjigje dhënë presidentit ukrainas Volodymyr Zelensky, i cili mbajti fjalim para deputetëve britanikë përmes një videoje, Johnson tha se ukrainasit me trimërinë e tyre po inspirojnë miliona njerëz, transmeton Telegrafi.

Johnson tha se Britania e Madhe dhe aleatët e saj janë të vendosur që t’ua dërgojnë ukrainasve armët, të vënë sanksione dhe të bëjnë presion mbi Rusinë dhe pushtimit të saj në Ukrainë.

I pari i qeverisë britanike theksoi se po përdorë të gjitha metodat e mundshme derisa Putini të “gjunjëzohet”, dhe Ukraina të çlirohet “edhe një herë”. /Telegrafi/