Jep dorëheqje presidenti armen, Armen Sarkissian - thotë se nuk kishte fuqi ndikimi në procese të rëndësishme

Presidenti armen, Armen Sarkissian ka dhënë dorëheqje të papritur të dielën.

Sipas medieve të huaja, përcjell Telegrafi, presidenti armen ka deklaruar se këtë vendim e ka marrë për faktin se nuk ka instrumente për të ndikuar në politikën e brendshme dhe të jashtme.

Siç kujtojnë mediat, vitin e kaluar, Sarkissian e gjeti veten në mosmarrëveshje me kryeministrin Nikola Pashinyan për disa çështje, duke përfshirë largimin e komandantëve të forcave të armatosura.

“Mendova për një kohë shumë të gjatë dhe vendosa të jap dorëheqjen pas katër viteve punë aktive si president”, ka thënë Sarkissian në një deklaratë, e cila shtoi se “presidenti nuk ka mjetet e nevojshme për të ndikuar në proceset e rëndësishme të jashtme dhe të brendshme politike në kohë të vështira për popullin dhe vendin”.

Ai gjithashtu vuri në dukje se disa grupe politike kanë synuar atë dhe familjen e tij, pa dhënë detaje të mëtejshme. /Telegrafi/