Jay Z me këngë kundër brutalitetit policor ndaj njerëzve me ngjyrë (Audio)

Reperi amerikan, Jay Z, ka publikuar këngën e re rreth brutalitetit policor, si reagim ndaj vrasjes së qytetarëve me ngjyrë në SHBA.

Kënga me titull “Spiritual” flet për pikëllimin dhe zhgënjimin me Amerikën.

“E kam shkruar këtë këngë para ca kohe dhe asnjëherë nuk e kam përfunduar. Punch më kishte thënë se është dashur ta publikoja kur vdiq Mike Brown, por me pikëllim i thash se ky problem është akoma aktual”.

“Ndjej dhimbje kur e di se vdekja e tij nuk do të jetë e fundit. Jam i pikëlluar me këtë Amerikë, është dashur të përparonim shumë. Por, nuk kemi përparuar”, ka thënë reperi.

Javën që lamë pas në internet u publikua një video, ku shfaqeshin dy policë të bardhë duke e mbajtur dhe gjuajtur me armë ndaj Alton Sterling në Louisiana, si edhe në Facebook u publikua një ‘live stream’ vrasja e Philando Castile. /Telegrafi/