Please enter at least 3 characters.
Shkarkoje aplikacionin e Telegrafit
App StoreGoogle Play

I harruar nga Ancelotti, ylli i Real Madridit mund të transferohet së shpejti në Ligën Premier

2024/12/rma.jpg
Bardh Maxhuni
06/12/2024

Ylli i Real Madridit, Fran Garcia ka marrë një ofertë nga një klub i Ligës Premier dhe mund të largohet nga Spanja në 2025. Garcia ka dështuar që të fitojë një vend në formacionin titullar të ‘Los Blancos’ që prej se u rikthye atje nga Rayo Vallecano në 2023.Reprezentuesi spanjoll kishte luftuar për të qenë zgjidhja e parë e krahut të majtë me Ferland Mendy në 2024/2025 teksa të dy lojtarët kishin numër të njëjtë të paraqitjeve në ligë.Përkundër faktit se është i barabartë me francezin në këtë aspekt, Mendy është lojtari i preferuar i Ancelottit dhe Garcia është frustruar me rolin e tij të reduktuar në ekip.

Sipas një raportimi nga Relevo, ish-trajneri i Garcias tek Rayo, Andoni Iraola, po synon që ta sjellë atë tek Bournemouthi verën e ardhshme.

Iraola ka impresionuar në Ligën Premier dhe për faktin se Milos Kerkez me gjasë do të largohet, do të duhet që të investohet në atë pozitë.Duke marrë parasysh se mundësitë që kontrata e tij të rinovohet përtej vitit 2027 janë të vogla, Garcia mund të jetë i hapur që të punojë sërish me Iraolan.Është bërë e ditur se Real Madridi do të kërkojë të paktën 15 milionë euro për ta lënë të lirë lojtarin./Telegrafi/

fran garciatransferimetbournemouthreal madridpremier league

Promo

Top 5

Nga Rubrika

Në trend Botë

Më të lexuarat