Propozimi i Komisionit Evropian për të mbështetur Ukrainën me 50 miliardë euro kredi dhe grante gjatë katër viteve të ardhshme nuk kundërshtohet nga askush.
Komisioneri Evropian i Buxhetit, Johannes Hahn zbardhi sot planet gjatë një konference për shtyp.
Qeveritë e Bashkimit Evropian kanë bërë pazare për një rishikim të buxhetit afatgjatë të bllokut 27-vendesh pasi Komisioni propozoi që vendet e BE-së të ofrojnë fonde shtesë për buxhetin e përbashkët, shumica e tyre për Ukrainën.
"Puna qendrore është mbështetja për Ukrainën. Kjo nuk kontestohet nga askush", tha ai, raporton skynews.
Theksojmë se pengesë e kësaj ishte bërë disa herë shteti hungarez, i cili ka kundërshtuar ashpër ndihmat e vazhdueshme për Ukrainën.
Ndryshe, SHBA-ja dhe Bashkimi Evropian janë ndër donatorët kryesor për Ukrainën. /Telegrafi/