Callum Hudson-Odoi ka qenë objektivi madhor i Bayern Munichut për repartin ofensivë.
Sulmuesi anglez u kërkuar shumë nga Bayerni, por Chelsea kishte refuzuar katër oferta të Bayernit.
Tani ka folur vet tinejxheri anglez duke zbuluar edhe arsyen e vërtetë pse refuzoi të transferohej në Munich.
Ka qenë pikërisht trajneri aktual i Chelseat, Frank Lampard që ka ndikuar që lojtari të vendos qëndrimin në Londër.
“Kur flitej se Lampard po vinte te Chelsea ishte një ndjenjë jashtëzakonisht e mirë për gjithë lojtarët, sepse ai po tregonte nëpër intervista se si i pëlqente lojtarët e rinj dhe u jepte hapësira”.
“Unë mendoja në kokën time se nëse Lampard vije do të ishte e shkëlqyeshme për ne dhe kjo në fund ndodhi. Kam pasur disa biseda me trajnerin dhe në fund vendosa të mbetem te Chelsea”, ka deklaruar Hudson-Odoi.
Bayern Munich kishte bërë katër oferta të njëpasnjëshme për yllin anglez, duke filluar nga 32, 35, 40 dhe 45 milionë euro, por që të gjitha u refuzuan nga Chelsea.
19-vjeçari tani ka vazhduar kontratën me Chelsean dhe do të jetë pjesë e klubit deri në vitin 2024. /Telegrafi/