03/12/2022
Holanda po shkëlqen në fazën e parë të eliminimit direkt, ku po fiton pas 45 minutave të parë me rezultat 2-0 ndaj SHBA-ve.
Me të filluar takimi SHBA-të ishin më të rrezikshëm, ku Christian Pulisic rrezikoi në minutën e tretë.
Në anën tjetër Holanda me daljen e parë në sulm arriti të shënojë, kur Denzel Dumfries asistoi te Memphis Depay shënoi për 1-0 në minutën e 10-të.
Loja ra paksa në qetësi pas golit, por me SHBA-të që kërkonin golin e barazimit.
Kur pritej që të mbyllej pjesa e parë Daley Blind mori një asistim nga Dumfries, për të shënuar për 2-0.
Një rezultat i mirë për ‘Tulipanët’ që me një hap janë në çerekfinale. /Telegrafi/