Grusht-shteti në Mianmar – punëtorët hyjnë në grevë mbarëkombëtare

Punëtorët anembanë Mianmarit kanë hyrë në një grevë mbarëkombëtare, në bashkëveprim me protestat të cilat po vazhdojnë për një ditë të tretë duke bërë thirrje për lirimin e udhëheqëses së zgjedhur, Aung San Suu Kyi dhe për rivendosjen e demokracisë.

Sipas BBC, përcjell Telegrafi, mijëra persona janë mbledhur në Yangon dhe në Mandaly.

Kjo vjen një ditë pasi Myanmar u përball me protestën e saj më të madhe në më shumë se një dekadë, si pasojë e grusht-shtetit nga ushtria vendase; pushteti i është dorëzuar komandantit të përgjithshëm Min Aung Hlaing.

Suu Kyi dhe drejtuesit e lartë të partisë së saj Lidhja Kombëtare për Demokraci (NLD), përfshirë presidenti i vendit Win Myint, janë vendosur në arrest shtëpiak. /Telegrafi/