Grabitje e armatosur në kufirin Kosovë-Serbi

Në afërsi të pikëkalimit kufitar Kosovë-Serbi, më saktësisht në Jarinje, para pak minutash ka ndodhur një grabitje e armatosur.

Siç njoftojnë burime të gazetametro.net në Policinë e Kosovës, është grabitur makina e cila transportonte paratë për bankat në relacionin Serbi – Kosovë.

Siç merr vesh Metro, aty ka pasur edhe të shtëna me armë, por nuk ka pasur të lënduar. Mirëpo, sasia e parave që është vjedhur, thuhet të jetë e konsiderueshme.

Të kontaktuar nga gazetametro.net, Policia e Kosovës kanë thënë se akoma nuk ka të dyshuar për këtë rast.