Presidenti i Liberisë, George Weah i ka ndarë një dekoratë të mirënjohjes ish-trajnerit të tij të futbollit, Arsene Wenger.
Presidenti Weah, i vetmi afrikan që fitoi titullin e lojtarit më të mirë të vitit, luajti për Monacon, i cili udhëhiqej në vitin 1988 nga Wenger.
Francezi, i cili u largua nga pozita e menaxherit të Arsenalit pas 22 vjetësh, kontribuoi në krijimin e disa yjeve të futbollit afrikan.
Ai do të marrë titullin e Kalorësit të Komandantit të Madh të Shpëtimit të Afrikës - që është dekorata më e lartë e këtij vendi.
Lajmi për çmimin e ndarë në adresë të Wengerit ka zgjuar reagime në këtë vend. Disa besojnë se dekoratat nuk duhet t'iu jepen njerëzve që personalisht e ndihmuan presidentin.
Theksojmë se gjatë karrierës së vetë si trajner, Wenger ka pasur në dispozicion 16 lojtarë afrikanë.
Ndryshe, Weah e la futbollin në vitin 2003 dhe filloi të merrej me politikë. Ai fitoi me lehtësi zgjedhjet presidenciale të vitit të kaluar. /Telegrafi/