Marco Giampaolo do ta caktojë fatin e tij te Milani në ndeshjen ndaj Genoas që e zhvillojnë sot (e shtune) nga ora 20:45.
Trajnerit italian nuk po i ecën edhe aq mbarë te Rossonerqët, ndërsa ndeshja e sotme do ta përcaktojë fatin e tij dhe në rast të humbjes do të shkarkohet.
Sipas mediave në Itali, Gennaro Gattuso është i gatshëm që ta rimarrë drejtimin e skuadrës, mirëpo ka vendosur një kusht.
Legjenda italiane ka bërë me dije se ai do të rikthehet në krye të skuadrës vetëm nëse në klub nuk është Paolo Maldini, që mban pozitën e drejtorit teknik.
Duket se dy ish-bashkëlojtarët nuk kanë raporte të mira dhe nuk dëshirojnë që të qëndrojnë së bashku në San Siro.
Emrat e tjerë në listë për zëvendësimin e Giampaolos janë Rudi Garcia, Claudio Ranieri, Massimiliano Allegri dhe Arsene Wenger, të gjithë trajnerë të lirë dhe mund ta marrin drejtimin e Milanit. /Telegrafi/