04/06/2016
Në prag të fillmit të muajit të Ramazanit, Forumi Rinor Islam ka paralajmëruar manifestimin tradicional “Mirë se erdhe muaji Ramazan”, thuhet në njoftimin e drejtuar Telegrafit në Maqedoni nga Zyra për Marrëdhënie me Publikun e FRI.
''Me rastin e fillimit të muajit Ramazan, Forumi Rinor Islam organizon manifestimin tradicional “Mirë se erdhe muaji Ramazan”.
Manifestimi do të mbahet të dielën, më 05 qershor 2016, me fillim në ora 20:30, në Çarshinë e vjetër, në Shkup, para xhamisë Murat Pasha.
Programi i këtij manifestimi përmban: lexim të Kuranit, fjalime përshëndetëse, monolog dhe ilahi. Në përmbyllje do të bëhet edhe lansimi i fishekzjarreve.'' thuhet në njoftimin e FRI-së./Telegrafi/
