Trajneri i Romës, Paulo Fonseca, konsideron se skuadra e tij i humbi dy pikë në barazimin (2-2) e të dielës mbrëma ndaj Interit.
Giallorossët u gjetën në disavantazh pas golit nga Stefan de Vrij, mirëpo e përmbysën rezultatin përmes Leonardo Spinazzola dhe Henrikh Mkhitaryan.
Megjithatë, kah fundi i ndeshjes, Romelu Lukaku e barazoi rezultatin me një gol të shënuar nga penalltia.
“Ishte një mundësi e humbur, kjo është e qartë, sepse i lëshuam dy pikë këtu”, ka thënë Fonseca pas ndeshjes për Sky Sport Italia.
Megjithatë, ai e ka lavdëruar paraqitjen e skuadrës së tij duke thënë se Roma ishte e pafat në golat e shënuar nga Interi.
“Jam i kënaqur me lojën, por jo edhe me rezultatin. Pashë një hap përpara në cilësi, skuadra po e mëson sistemin e ri dhe po ia dalim mirë”, ka shtuar trajneri. /Telegrafi/