Xhudistja nga Kosova, Fjolla Kelmendi, ka fituar medaljen e argjendtë në garat që po mbahen në Turqi në kuadër të Grand Prix Antalya.
Kosova po vazhdon me suksese në sportin e xhudos dhe medaljen që po marrin nuk kanë të ndalur.
E fundit që i sjell Kosovës medalje në xhudo është, Fjolla Kelmendi.
Kelmendi ka arritur të fitojë medaljen e argjendtë në Grant Prix Antalya, pasi u mposht në finale nga portugezja Catarina Costa.
Ky është një sukses i madh për xhudisten e re kosovare, pasi ishte hera e parë që paraqitet në një finale në xhudo.
Fjolla Kelmendi për të arritur deri në finale ka fituar takimet ndaj Kimberley Renick në çerekfinale, ndërsa në gjysmëfinale e ka mposhtur xhudisten nga Izraeli, Tamar Malca.
Ndryshe, Fjolla Kelmendi ka garuar në kategorinë deri në 48 kilogram. /Telegrafi/