Fitore të thella për Atletico Madrid dhe Marseille, barazim dramatik për Tottenhamin

Në xhiro të dytë të Ligës së Kampionëve, Bodo/Glimt barazoi me Tottenhamin, Atletico Madrid fiton thellë ndaj Eintracht Frankfurt, ndërsa Marseille shkatërroi Ajaxin.

Bodo/Glimt dhe Tottenham ndanë pikët pas një barazimi 2-2. Për vendasit shënoi Hakon Hauge në minutat 53 dhe 66, ndërsa për Tottenham shënoi Van de Ven në minutën e 69.

Ndeshja u vendos në fund nga një autogol i Gundersen në minutën e 89, duke siguruar barazimin për mysafirët.

Atletico Madrid realizoi një fitore të thellë 5-1 ndaj Eintracht Frankfurt. Golat për Atleticon erdhën nga Giacomoi Raspadori (4’), Robin Le Normand (33’), Antoine Griezmann (45+1’), Guiliano Simeone (70’) dhe një penallti e shënuar nga Julian Alvarez (82’).

Goli i vetëm i mysafirëve u realizua nga Burkardt në minutën e 57.

Në një tjetër ndeshje të xhiros, Marseille triumfoi 4-0 ndaj Ajax.

Golat e vendasve u shënuan nga Igor Paixao (6’dhe 13’), Mason Greenwood (26’) dhe Pierre-Emerick Aubameyang (53’), duke i dhënë skuadrës tri pikë të rëndësishme në grup. /Telegrafi/