Pjesë të një rajoni të dytë rus po evakuohen mëngjesin e sotëm pas raportimeve për "aktivitet" në zonë nga forcat ukrainase, ka njoftuar guvernatori lokal.
Vyacheslav Gladkov, i cili drejton rajonin e Belgorodit, tha se autoritetet kishin dhënë miratimin për të larguar njerëzit - por nuk dha asnjë detaj të mëtejshëm.
Gjithashtu, nuk është e qartë se sa i përhapur është evakuimi, shkruan skynews.
Ndryshe, ky veprim vjen pasi trupat ukrainase pushtuan rajonin fqinj Kursk të martën - duke çuar në evakuime në rajonin kufitar rus.
Për më tepër, mediat ukrainase raportuan se forcat e Kievit kishin hyrë në rajonin e Belgorodit - duke shpërndarë video të pesë trupave ukrainase me uniformë që qëndronin jashtë një ndërtese, ndërsa njëri tha: "Ju uroj shëndet, batalioni 252 është në fshatin Poroz, Belgorod. Lavdi Ukrainës”.
Edhe pse nuk është e qartë se kur është filmuar video. /Telegrafi/