Është gabim t’iu bërtitni fëmijëve për nota të ulëta – më mirë aplikoni këto metoda

Prindërit gjithmonë duhet të gjejnë mënyra për t’i ndihmuar fëmijët të jenë të suksesshëm në shkollë.

Megjithatë, nota e keqe nuk është diçka që duhet të merret me shumë seriozisht dhe ekspertët thonë se nëse iu bërtitni dhe i turpëroni fëmijët për këtë, atëherë ju vetëm sa do t’i dëmtoni ata më shumë në periudhë afatgjate, transmeton Telegrafi.

Ekspertët i kanë përmendur disa prej dëmeve që mund të shkaktohen nëse iu bërtitni fëmijëve për shkak të notave:

- Bërtitja nuk i adreson problemet aktuale që fëmija është duke i pasur në shkollë

- Rrezikoni ta frustroni fëmijën dhe ai/ajo herën tjetër nuk ndihet i sigurt të kërkoj ndihmë në shtëpi

- Bërtitja ka efekte negative edhe në notat e ardhshme të fëmijës

- E turpëroni fëmijën

Në vend të bërtitjes dhe qortimit, ju mund të provoni metoda tjera për t’i ndihmuar fëmijës.

Disa prej metodave tjera që mund t’i aplikoni janë:

- Jepni fëmijës hapësirë të përshtatshme për të mësuar

- Formoni rutina pas shkollës për t’i kryer detyrat

- Përcilleni progresin e fëmijës

- Mbani mend se shpërblimet janë më të mira se kërcënimet. Më mirë t’i premtoni një shpërblim fëmijës për nota të mira sesa ta kërcënoni për nota të këqija

- Zhvilloni shprehi të mira të leximit

- Mbani mend se edhe fëmijët kanë nevojë për pushim

- Komunikoni me fëmijën. /Telegrafi/