16/05/2019
Këngëtarja e njohur nga Shqipëria, Eni Koçi, dhe reperi i njohur kosovar, Elinel, kanë publikuar bashkëpunimin e tyre më të ri.
"Larg" mban titullin kënga e tyre e re, e cila është një baladë e re R&B.
Muzika është punuar nga Genc Prelvukaj, i cili ka shkruar edhe një pjesë të tekstit në bashkëpunim me Elinel.
Kënga është vizualizuar edhe me një klip mjaft të veçantë, i cili i përshtatet tematikës, teksa dyshja vijnë plot hijeshinë me stilin e tyre.
Ana vizuale i është besuar produksionit Black Fish Entertainment.
Ndërkohë, Eni dhe Elinel vazhdojnë të jenë shumë të angazhuar me projekte të reja, duke mos munguar edhe në koncerte e mbrëmje muzikore të shumta. /Telegrafi/