El Hadji Diouf ‘çmendet’ nga aftësitë e futbollistit kosovar (Video)

Mesfushori kosovar ka arritur të asistoj në golin e dytë të skuadrës së tij Kedah përballë ekipit Sabah ku aktivizohet ish-lojtari i Liverpoolit, El Hajdi Diouf, transmeton Telegrafi.

Krasniqi ishte më i miri në fushë dhe për këtë ai mori lëvdata nga sulmuesi senegalez Diouf i cili po luan në Malajzi.

Në një video të siguruar nga Telegrafi, Diouf i thotë Krasniqit se është mrekulluar me lojën e tij.

“Më ke çmendur me lojën tënde. Je lojtari më i mirë që luan deri më tani në Malajzi”, dëgjohet duke i thënë Diouf mesfushorit kosovar Liridon Krasniqit.

Kujtojmë që Krasniqi është pjesë e Përfaqësueses së Kosovës në futboll ku ka zhvilluar tri takime. /Telegrafi/