Këngëtarja dhe aktorja amerikane, Diana Ross, i ka dalë në mbrojtje Michael Jacksonit pas dokumentarit shumë të përfolur kundërthënës, "Leaving Neverland".
Filmi dokumentar i HBO është i fokusuar te deklaratat e Wade Robson dhe James Safechuck, të cilët kanë pohuar se janë keqtrajtuar seksualisht nga ikona e muzikës pop kur ishin fëmijë. Deri në vdekjen e tij (në vitin 2009), Jackson i kishte mohuar gjithmonë këto pohime.
Dhe derisa po flitet vazhdimisht për të kaluarën abuzive të këngëtarit, ka edhe të tillë që i kanë dalë në mbrojtje.
"Kjo është ajo që kam në zemër këtë mëngjes. Unë besoj se Michael Jackson ka qenë një force e madhe dhe e pabesueshme për mua dhe për shumë të tjerë. Ndaluni në emër të dashurisë (që është titulli i këngës së saj nga viti 1965)", ka shkruar 74-vjeçarja në Twitter, transmeton NME.
Në ndërkohë, Barbra Streisand ka kërkuar falje për deklaratat e saj në lidhje me të kaluarën e Wade Robson dhe James Safechuck. /Telegrafi/