Watfordi e ka mposhtur 2-0 Manchester Unitedin në kuadër të javës së 18-të në Ligën Premier.
Pjesa e parë përfundoi pa gola, mirëpo në të dytën David de Gea ishte fytyra më tragjike e takimit.
Në 45 minutëshin e dytë, vendasit arritën të shënonin dy gola, fal gabimit të portierit spanjoll.
Ishte minuta e 50-të kur Ismaila Sarr shënoi golin e epërsisë me një asistim të Christian Kabasele, por që u ndihmua shumë nga De Gea që nuk arriti ta kapte topin nga ajo goditje e plogësht.
Katër minuta më vonë, Watfordi fitoi një penallti, e atë e konvertoi në gol Troy Deeney.
Ole Gunnar Solskjaer tentoi me disa zëvendësime që ta barazonte së paku rezultatin, mirëpo vendasit ishin tejet të disponuar për lojë dhe në fund morën tri pikë.
Pas javës së 18-të, Manchester United gjendet në vendin e tetë me 25 pikë, ndërsa në xhiron e 19-të do të takohet me Newcastlen. /Telegrafi/