Klubi nga Skenderaj, Drenica ka njoftuar sot (e enjte) se ka nënshkruar kontratë me mesfushorin vushtrrias, Argjent Mustafa, i cili edhe në të kaluarën ishte pjesë e tyre.
Drenica ka bërë shumë goditje në afatin kalimtar të verës, por fillimi i sezonit të sivjetmë në Superligën e Kosovës nuk ka qenë më i miri.
Kuqezinjtë nga ‘Bajram Aliu’ kanë vetëm një fitore nga pesë ndeshjet e para dhe drejtuesit kanë menduar të përforcojnë edhe më shumë skuadrën.
Sot gjatë ditës, ata kanë njoftuar se kanë nënshkruar me ish-lojtarin e tyre, Argjent Mustafa.