Pandemia e coronavirus ka bërë që njerëzit të bëhen më të shkathët se kurrë.
Djali i Tom Hanks, Colin, ka ndarë një aftësi të re që ai ka fituar e që do të ndihmojë një numër njerëzish që kanë nevojë për maska pasi Covid-19 vazhdon të përhapet në gjithë globin, shkruan Mirror.
Aktori kishte ndarë këtë mësim me ndjekësit e tij duke u treguar se si bëhet maska, e cila mbulon hundën dhe gojën nga gjërat shtëpiake.
Në të njëjtin postim ai shkroi: "Si ta shndërroni shaminë tuaj në një maskë për fytyrë. Mos harroni të vendosni shaminë në lavatriçe më pas!".
Për ta bërë maskën, Colin tregoi se një shami duhet të vendoset përballë një sipërfaqeje të sheshtë. Gjysma e sipërme dhe e poshtme duhet të paloset për t'u takuar në qendër. Atëherë, pëlhura duhet të rroket sipër dhe përsëri të paloset.
Për shiritat, ai sugjeron të përdorni fije elastike të fashës së flokëve në secilin skaj të hapur të leckës.
Javën e kaluar, babai i Colin dhe njerka e tij, Rita, të dy 63 vjeçarë, fluturuan përsëri në Los Angeles me aeroplan privat, pasi kaluan disa javë të izoluar në Australi. /Telegrafi/