Trajneri i Interit, Antonio Conte ka thënë se skuadra e tij meritoi më shumë nga ndeshja e parë e gjysmëfinales së Kupës së Italisë kundër Juventusit.
Interi pësoi në shtëpi nga Juventusi me rezultat 2-1.
Për “Rai Sport”, trajneri italian ka thënë për të siguruar kualifikimin në finale, Interi duhet të shënojë tre gola si mysafir.
“Bëmë gjithçka. U treguam naiv në dy momente dhe Juventusi e ktheu rezultatin në 1-2. Duhet të jemi më cinik, por kemi krijuar shumë raste sot”.
“Kundër Juventusit bëmë një paraqitje fantastike, ana negative ishte vetëm rezultati. E vendosëm Juventusin në litarë”.
“Më vjen keq, meritonim më tepër sesa rezultati final. Është e pashmangshme. Me rezultat 1-2 duhet të shënojmë tre gola në sfidën e kthimit”.
“Nuk do të jetë një shëtitje. Juventusi nuk është ekip i dorës së fundit”, ka thënë Conte. /Telegrafi/