Manchester City e ka mposhtur Cardiff Cityn (2-0) në Etihad Stadium dhe është rikthyer në krye të tabelës së Ligës Premier.
Rezultati u zhbllokua që në minutën e gjashtë të takimit me golin e Kevin De Bruyne, i cili u asistua nga Aymeric Laporte.
Pa përfunduar pjesa e parë (44'), nikoqirët shënuan edhe një herë me anë të Leroy Sane, i cili pranoi një asistim nga Gabriel Jesus.
City e vazhdoi dominimin e ndeshjes edhe në pjesën e dytë duke krijuar rast pas rasti, por mungonte konkretizimi.
Kjo fitore e pozicionon Manchester Cityn në krye të tabelës me një pikë më shumë se rivali i sivjetmë për titull, Liverpool.
Cardiff City mbetet në zonën e rrezikut, në pozitën e 18-të në tabelë dhe rrezikon rënien nga elita e futbollit anglez.
Ndeshja e radhës për ekipin e Pep Guardiolas në Ligën Premier është kundër Crystal Palace, kurse Cardiffi luan si mysafir i Burnleyt. /Telegrafi/