Nëse këto gjetje mbahen nën kontroll dhe nuk keqpërdoren, do të bëjnë botën një vend më të mirë për të jetuar.Të gjithë ne jemi dëshmitar se ka ndryshuar njerëzimi. Në të gjithë këto vite ne jemi dëshmitar se nuk janë bërë zbulime si nxemja qendrore, energjia elektrike, kompjuteri apo interneti, por gjetjet e reja të fundit sjellin një ndryshim me potencial që e bëjnë jetën më të mirë, dhe më të lehtë për të gjithë njerëzit.
Lufta kundër duhanit është më e zëshme dhe më e dukshme në publik. Në vitet e fundit, rritet popullariteti në luftën kundër cigareve me mjete të reja për të “ulur dëmet”, që nënkupton se në këtë luftë, nëse njerëzit nuk mund të lënë duhanin apo nikotinën, zgjidhje mund të jetë tek alternativat e cigareve, të cilat janë të testuara, kontrolluara dhe shkencërisht të dëshmuara. Në Britaninë e Madhe, duhanpirësit që kanë vështirësi që të lënë duhanin dhe varshmërinë, drejtohen kah cigaret elektronike. Në Japoni, si alternativë e cigareve, primatin për alternativë të duhanipirjes e kanë paisjet që e ngrohin duhanin, ndërsa në Suedi, qytetarët me dekada përdorin produkte nikotini për përdorim oral. Si rezultat i gjithë kësaj, në Suedi vdekshmëria nga sëmundjet e lidhura me duhanpirjen janë zvogëluar për 40%, në krahasim me vendet tjera evropiane, ndërsa duhanpirja është zvogëluar me 5%. Këto informacione tregojnë se është përmirësuar edhe jeta e atyre që nuk janë duhanpirës por janë të rrethuar me duhanpirës, pasi, nëse nuk ka tym duhani, nuk ka as duhanpirje pasive.
