Chrissy Teigen është ndër personalitetet e rralla që ka pranuar për ndërhyrjet e veta estetike.
Manekinia e famshme ka folur haptazi rreth korrigjimeve që i ka bërë në fizikun e saj dhe i ka befasuar të gjithë me këtë gjë.
“Gjithçka në mua është false, përveç mollëzave të mia. Me operacione i kam rregulluar buzët, hundën dhe ballin”, ka thënë gruaja e John Legend.
Po ashtu, ajo ka treguar se para dhjetë vitesh ka bërë edhe liposukcion (ndërhyrje për largimin e yndyrave) në sqetull.
“Ka qenë gjëja më e çmendur që kam bërë, por njëherësh edhe ideja më e mirë që kam pasur. Pas asaj ndërhyrjeje kam pasur më shumë vetëbesim kur vishesha me fustane pa krahë dhe kostume të larjes”, ka rrëfyer Chrissy.
Bukuroshja më tej ka thënë se është krenare dhe nuk pendohet për asnjërën prej ndërhyrjeve kirurgjike. /Telegrafi/