David De Gea nuk e ka të sigurt të ardhmen e tij në Old Traford.
Portieri spanjoll mund ta humbas vendin e titullarit, pasi United po mendon ta rikthejë në skuadër Dean Henderson.
Anglezi ka bërë paraqitje jashtëzakonisht të mira si i huazuar tek Sheffield United edicionin e fundit, teksa i ka bërë të qartë Djajve të Kuq se rikthehet në skuadër vetëm si titullar.
Nga ana tjetër De Gea nuk ka pasur një sezon të mirë, pasi ka bërë disa gabime në vitin e fundit.
29-vjeçari është në listën e dëshirave të Chelseas, me klubin londinez që po kërkon transferimin e një portieri.
Mediat angleze kanë raportuar se Chelsea po interesohet për De Gean dhe mund të bëhet një shkëmbim i madh mes dy klubeve.
Djajtë e Kuq nga ana tjetër e duan transferimin e N’Golo Kantes dhe dy klubet mund t’i shkëmbejnë lojtarët.
Për momentin kjo është vetëm një hipotezë, por sipas medieve në Angli shumë lehtë mund të bëhet realitet. /Telegrafi/