Cërvenkovski: Më 30 shtator do të dal në referendum dhe do të votoj "për"

"Më 30 shtator do të dal në referendum këshillues dhe do të votojë "për". Do të votojë "për" sepse mendoj se marrëveshja e Prespës është fitore dhe sukses i madh, sepse mendoj se është domosdoshmëri nga e situata e të cilës nuk ka ikje", thotë në një deklaratë me shkrim ish-kryetari i Republikës së Maqedonisë, Branko Cërvenkovski, përcjell Telegrafi Maqedoni.

Ai arsyeton vendimin e tij duke thënë se zbatimi i marrëveshjes nuk do të ketë rezultate negative, por pasoja negative mund të shkaktohen nga mos zbatimi dhe dështimi i saj.

"Është normale se tek çdo njeri i ndërgjegjshëm dhe përgjegjës kur bëhet fjalë për një çështje të rëndësishme ekziston hamendësim. Këtyre ditëve shumë njerëz më kanë pyetur se unë a do të kisha nënshkruar një marrëveshje të tillë. Përgjigjja ime është se në këtë moment kjo aspak nuk është e rëndësishme".

"Nënshkrimi është dhënë dhe kthim prapa s'ka. As në të ardhmen kjo apo qeveri tjetër greke nuk do të tërhiqet nga pozitat e fituar nga kjo marrëveshje, as bashkësia ndërkombëtare, do të ketë kuptimin për një joseriozitet dhe moszbatimin e obligimeve tona", tha Cërvenkovski.

Ai shtoi se është i bindur se integrimet euroatlantike janë opsioni i vetëm i mirë për të ardhmen e vendit. /Telegrafi/