Casemiro ka thënë se Eden Hazard është në mesin e periudhës së adaptimit te Real Madridi.
Ylli belg e kompletoi kalimin te Los Blancos në afatin kalimtar veror nga Chelsea për 100 milionë euro, pas shtatë vitesh të kaluara në Ligën Premier.
Lojtari 28-vjeçar shihet si zëvendësues i Cristiano Ronaldos, mirëpo deri më tani nuk po tregon formën e lartë që e kishte te The Blues.
Casemiro ka deklaruar se ai nuk ka dyshime për cilësitë që i posedon Hazard, por që futbolli ka të bëjë me shënimin e golave.
“Hazardi po tenton, por futbolli ka të bëjë me shënimin e golave”, ka thënë mesfushori brazilian për Marca-n.
“Ne e dimë se ai është në mesin e pesë lojtarëve më të mirë në botë dhe është normale që të keni një periudhë adaptimi në një ligë tjetër”.
Real Madridi barazoi 2-2 mbrëmë me Club Burgge në Ligën e Kampionëve, gjersa Sergio Ramos dhe Casemiro i shënuan të dy golat, me belgun që nuk bëri paraqitje aspak të mirë. /Telegrafi/