Kampioni aktual i Gjermanisë, Bayern Munich është duke kërkuar transferimin e një sulmuesi.
Aktualisht si sulmues qendror tek Bayerni është vetëm Robert Lewandowski dhe bardh e kuqtë kërkojnë edhe një futbollistë për partneritet të boshnjakut.
Sipas medieve gjermane, katër emra të njohur janë në listën e Bayernit për fazën ofensive.
Në listën e gjigantit gjerman janë tre sulmues mbi moshën 30 vjeçare dhe një tjetër në të tridhjetat.
Top shënuesi i Romës, Edin Dzeko prinë në listën e dëshirave tek Bayern Munich.
Ardhja e Dzekos duket e vështirë pasi Roma beson shumë në të dhe është lojtari kryesor i fazës ofensive.
Ndërkohë në listë ndodhet edhe sulmuesi kilian i Arsenalit, Alexis Sanchez i cili nuk ka pranuar rinovimin me ‘Topçinjtë’.
Dy emrat e fundit janë befasi, pasi janë dy sulmues në moshën 33 vjeçare.
Sulmuesi boshnjak Vedad Ibisevic po kalon nëpër një formë të mirë në Bundesliga dhe është dëshirë e Bayernit.
Ndërkohë i fundit në listë është Fernando Torres që ka paralajmëruar largimin nga Atletico Madrid në fund të edicionin kur i skadon edhe kontrata e tij.
Mbetet të shihet se cili nga lojtarët e lartpërmendur do t’i bashkohet bavarezëve gjatë afatit kalimtar të janarit. /Telegrafi/