Këngëtarja e re shqiptare, Ava Max, po ngjitet drejt majave të suksesit në tregun ndërkombëtar të muzikës.
Pas suksesit shumë të madh që pati kënga e saj e parë "Sweet but Psycho", Ava Max solli këtë muaj edhe këngën tjetër "So am I", e cila është pritur mirë nga publiku i saj.
Aktualisht, janë këto dy projekte muzikore që e renditin atë me dy pozita në "Top 10 këngët më të mira të zhanrit POP", në ShBA, aplikacionin iTunes.
Me "Sweet but Psycho", ajo gjendet e renditur në vendin e tretë, teksa "So am I" e rendit shqiptaren në pozitën e nëntë.
E lumtur për këtë sukses, Ava Max ka ndarë me ndjekësit e saj në InstaStory një fotografi të kësaj liste, ku ndër të tjerash shihet që i është gëzuar shumë suksesit.
"Me dy në Top 10 këngët më të mira POP në Amerikë! Çfarë!", ka shkruar shqiptarja në InstaStory.
Përndryshe, kënga e saj e fundit "So am I" është pritur shumë mirë nga fansat e saj, dhe në vetëm pak ditë ka kaluar mbi katër milionë klikime në kanalin YouTube. /Telegrafi/