Floyd Mayweather dhe Conor McGregor tashmë kanë arritur në Las Vegas të Nevadas, para superduelit që do të zhvillohet ndërmjet tyre në fundjavë.
Mayweather, kampioni i pamposhtur amerikan i boksit dhe McGregor, irlandezi që është kampion i dyfishtë i UFC-së në artet e përziera marciale (MMA) do të paraqiten në ring në duelin të cilin e gjithë bota pret ta shohë.
Përballja do të zhvillohet me rregullat e boksit dhe të gjithë presin të shohin këtë eveniment të madh sportiv, edhe pse shumëkush e konsideron favorit Mayweatherin, duke qenë se McGregor asnjëherë më parë nuk ka zhvilluar një duel boksi.
Meçi zhvillohet në T-Mobile Arena në Las Vegas, mbrëmjen e të shtunës të 26 gushtit me orën amerikane, ndërsa të gjithë shqiptarët do të kenë mundësi ta ndjekin këtë sfidë titanësh në orët e para të mëngjesit të të dielës.
Në videon e mëposhtme mund të shihni momentin e arritjes së dyshes në Las Vegas dhe pritjen që iu është bërë. /Telegrafi/