Trajneri i Juventusit, Massimiliano Allegri, ka pranuar se Mario Mandzukic pritet të mungojë në ndeshjen e të mërkurës kundër Napolit.
Sulmuesi kroat e lëndoi gjurin pikërisht ndaj napolitanëve në San Paolo në kuadër të Serie A, ndërsa do të mungojë në ndeshjen kthyese gjysmëfinale të Kupës së Italisë.
“Është vështirë për Mario Mandzukicin që të riaftësohet për ndeshjen. Do ta testojmë sot, por ai nuk do të jetë atje”.
“(Paulo) Dybala dhe (Juan) Cuadrado janë të gatshëm për lojë. Sa u përket të tjerëve, nuk e di se çfarë t’ju them, sepse do të stërvitemi dhe pastaj do të shohim se kush do të luajë nesër (e mërkurë)”, ka thënë trajneri.
Allegri e ka komentuar edhe ndeshjen e Serie A, për të cilën ekipi i tij u kritikua për lojë defensive. Sidoqoftë, trajneri mendon se janë dy ndeshje të ndryshme dhe se Juve do të kualifikohet në finale të Coppa Italia. /Telegrafi/