29/06/2020
Pandemia coronavirus së fundmi ka arritur të prekë edhe aktorin e njohur shqiptar, Florjan Binaj.
Një gjë të tillë e kishte bërë të ditur vetë ai, ndërsa kishte theksuar se ka ndërmarrë masa për parandalimin e saj.
Ndërkaq, gjatë ditës së sotme (e hënë), Florjani ka dhënë një lajm mjaft të mirë për të gjithë ndjekësit e tij.
Në postimin e ndarë në rrjetin social Instagram, aktori ka zbuluar se është shëruar plotësisht nga virusi vdekjeprurës.
“Më në fund, COVID-i më la. Falënderoj të gjithë miqtë dhe mikeshat që qëndruan pranë në këto ditë izolimi”, ka shkruar ai në mbishkrimin e fotografisë.
Ani pse i infektuar, humoristi i njohur nuk kishte pasur probleme të mëdha dhe se gjendjen shëndetësore e kishte mjaft të mirë. /Telegrafi/