22/10/2018
Dy këmbësore kanë marrë lëndime të rënda trupore, pasi sot pasdite janë goditur nga një automjet në një rrugë të Prishtinës.
Zëdhënësi i Policisë së Kosovës për rajonin e Prishtinës, Agron Borovci ka theksuar se të hënën rreth orës 16:00, në "Rrugën B" ka ndodhur një aksident trafiku.
Ai ka thënë për Telegrafin se aksidenti ka ndodhur kur automjeti ka goditur këmbësoret dhe një automjet.
“Si pasojë e aksidentit dy këmbësoret kanë pësuar lëndime trupore dhe të njëjtat janë dërguar për trajtim mjekësor në Qendrën Klinike Universitare të Kosovës (QKUK). Me rastin po merret njësiti i trafikut”, ka shtuar Borovci. /Telegrafi/