AKP: Nuk ka më mitingje për referendumin në Gjermani

Ankaraja zyrtare ka vendosur që politikanët turq nuk do të mbajnë më takime politike në Gjermani në prag të referendumit të prillit për shtimin e kompetencave për presidentin turk, njoftoi të martën Partia e Drejtësisë dhe Zhvillimit (AKP) e presidentit turk Recep Tayip Erdogan.

Të gjitha mitingjet, të cilat janë planifikuar do të anulohen. Ky vendim është marrë në Ankara, thanë zyrtarë të degës së kësaj partie në Këln.