Ambasadori Rohde falënderon Kosovën për solidaritetin pas tragjedisë në Magdeburg

Ambasadori i Gjermanisë në Kosovë, Jorn Rohde, ka falënderuar qytetarët e Kosovës për mesazhet e solidaritetit që mori gjatë dy ditëve të fundit, pas ngjarjeve të dhimbshme që ndodhën në Magdeburg.

Ai shprehu trishtim të thellë për këtë ngjarje, por gjithashtu theksoi mirënjohjen për momentet e paharrueshme të koncertit të Krishtlindjeve që u mbajt në Gjakovë.

“Dua të falënderoj Kosovwn për të gjitha mesazhet e solidaritetit në dy ditët e fundit. Dhimbje e thellë për ngjarjet në Magdeburg, por gjithashtu mirënjohje për momentet e paharrueshme dje në koncertin tonë të Krishtlindjeve në Gjakovë, që na kujtuan se çfarë ka vërtet rëndësi: Dashuria dhe paqja, jo urrejtja dhe dhuna” – ka shkruar ambasadori gjerman në “X”.

Lexo po ashtu Kush është i dyshuari? Çfarë dihet deri më tani për sulmin në tregun e Magdeburgut

Autoritetet gjermane kanë ngritur aktakuzë për vrasje dhe tentim vrasje ndaj të dyshuarit për sulmin vdekjeprurës në tregun e Krishtlindjes në qytetin Magdeburg, ku u vranë pesë njerëz dhe u plagosën 200 të tjerë.

I dyshuari – i identifikuar si Taleb A në përputhje me ligjin për privatësi në Gjermani – ngarkohet me pesë akuza për vrasje, disa akuza për tentim vrasje dhe disa akuza për shkaktimin e lëndimeve të rënda trupore, tha policia.

Ai u paraqit para gjykatësit të shtunën në mbrëmje, i cili urdhëroi që ai të dërgohet në paraburgim në pritje të gjyqit. /Telegrafi/

I want to thank 🇽🇰 for all the messages of solidarity in the last 2 days. Deep sorrow over the events in Magdeburg, but also gratitude for the meaningful moments yesterday at our X-Mas concert in Gjakova, reminding us of what truly matters: Love and peace, not hate and violence. pic.twitter.com/O2RsfapgAd

— Ambassador Jörn Rohde (@GermanAmbKOS) December 22, 2024