Alarmante: Stuhi e fuqishme godet Kaliforninë, ka edhe viktima (Video)

Një stuhi e fuqishme ka goditur pjesën jugore dhe qendrore të Kalifornisë, duke sjell erëra të forta dhe shi të dendur, si pasojë e të cilave dy persona kanë humbur jetën, kurse qindra fluturime të aeroplanëve janë anuluar.

Stuhia ka filluar të premten dhe ka shkaktuar dëme të mëdha duke rrëzuar pemë, linja të shkëputura të energjisë, ku si pasojë ka mbetur një person i vdekur nga goditja elektrike, ndërsa një tjetër është zhytur me makinë në ujë dhe ka vdekur, raporton AP.

Më shumë se 60 mijë njerëz në Los Angelos kanë mbetur pa energji elektrike.

Në pjesët më të rrezikuara të Kalifornisë është urdhëruar evakuimi i popullsisë për shkak të rrezikut nga rrëshqitja e dheut dhe vërshimeve.

Stuhia ka bërë që të ketë vonesa të aeroplanëve dhe anulimin e mbi 300 fluturimeve. Shirat e dendur kanë bërë që lumenjtë të dalin nga rrjedha e tyre dhe të shkaktojë përmbytje. Gjithashtu, ka pasur edhe rrëshqitje të tokës në zona kodrinore, ndërsa disa rrugë janë mbyllur, shkak përmbytjet.

Stuhia ishte më e fuqishme në jug të Kalifornisë, por shumë shpejt u përhap edhe në veri të San Franciscos, kjo bërë që të evakuohen më shumë se 188.000 njerëz.

Shërbimi Kombëtar i motit ka paralajmëruar se kjo mund të jetë një nga stuhitë më të fuqishme që ka goditur Kaliforninë e Jugut që nga janari i 1995.

https://www.youtube.com/watch?v=M0GD3zHX-rw

https://www.youtube.com/watch?v=JtG-ncPxcQo

https://www.youtube.com/watch?v=dXKyNef7j2A

https://www.youtube.com/watch?v=5SBuVjrcEjc