Al Jazeera sjell disa pamje – tregojnë Wuhanin gjatë ditëve më të hershme të shpërthimit të COVID-19

Pamjet e xhiruara në Wuhan gjatë ditëve më të hershme të shpërthimit të coronavirusit, tregojnë se si qeveria kineze mund të kishte bërë më shumë për të parandaluar përhapjen e virusit dhe përpjekjet e saj për të ndaluar gazetarët të raportonin për të.

Sipas Al Jazeera, përcjell Telegrafi, dy gazetarët kinezë, emrat e të cilëve nuk janë zbuluar për sigurinë e tyre – përmes xhirimeve të fshehta zbulojnë transformimin pothujase brenda natës të qytetit me 11 milionë banorë.

Pamjet ekskluzive të cilat mund t’i shihni KËTU, thuhet se janë xhiruar midis 19 janarit dhe 22 janarit të vitit 2020, nuk janë parë kurrë më parë.

Në pamundësi për t’i publikuar ato brenda Kinës, gazetarët ia dhanë Njësisë Hetimore të Al Jazeera, që i nxori ato jashtë vendit.

Yang Jun dhe Chen Wei, emrat e të cilëve janë anonimuar për mbrojtjen e tyre, udhëtuan në Wuhan disa ditë para se qyteti të hynte në bllokim të plotë, kur numri zyrtar i rasteve ishte vetëm i ulët në qindra dhe qeveria kineze ishte e ngurtë me shumën e informacionit që ndau.

Derisa gazetarët lëviznin midis spitaleve gjithnjë e më të mbushur me pacientë dhe tek tregu i prodhimeve të detit Huanan, e konsideruar si epiqendra e shpërthimit, ata u ndaluan herë pas here nga policia dhe nga rojet e sigurisë. /Telegrafi/