Rreth 150 njerëz besohet se kanë vdekur në Indinë veriore pasi një akullnajë Himalaje u thye dhe u përplas në një digë të dielën, derisa përmbytjet detyruan evakuimin e fshatrave në rrjedhën e poshtme.

“Numri aktual nuk është konfirmuar ende, por 100 deri në 150 njerëz vlerësohen të vdekur”, tha për Reuters, Om Prakash sekretari kryesor i shtetit Uttarakhand, ku edhe ndodhi incidenti.

Një dëshmitar raportoi për një mur pluhuri, shkëmbi dhe uji, derisa orteku zhurmonte në luginën e lumit, transmeton Telegrafi.

“Erdhi shumë shpejt, nuk kishte kohë për të lajmëruar askënd”, tha Sanjay Singh Rana, i cili jeton në rrjedhën e sipërme të fshatit Raini.

akullnaje

“Unë ndjeva se edhe ne do të ‘rrëmbeheshim’”, potencoi ai. /Telegrafi/

AziaBotë